Video
Read full review
2018-03-30
444 views
一行7人本身排樓上Outback，但太多人，於是搵幾個落樓下排Brooklyn，最後等咗差不多一粒鐘呢邊有位先就照去啦。入座時侍應先話最低消費每人一個main course，但等咗咁耐就是旦啦。但其實最低消費每人一個main course係好唔考慮顧客食量，寧願佢定最低消費一個價錢，雖然計數有啲煩，但起碼細食嘅人，好似我地7個女仔，就可以留肚叫吓甜品，唔夠數咪叫多幾杯嘢飲，至少唔洗浪費食物（加上食物質素又唔係好到令人食剩都有意欲打包）。至於食物質素，其實唔值呢個價。個焗黑豚肉飯塊豬扒又乾又硬。個雜菌汁牛扒就咁放喺堆幼薯條上面，啲薯條又唔算香脆。雜菌汁有少少黑松露味，唔鍾意黑松露味就唔好叫呢個個三文魚扒，都係一般，就咁煮完塊扒浸住喺唔知算湯定汁嘅嘢度，塊扒就無乜味。卡邦尼意粉普普通通。軟殼蟹risotto啲飯係類似粟米忌廉汁煮，同軟殼蟹唔多夾。蘋果木燒豬腩肉都無乜特別，基本上舊肉係無乜調味咁，就咁食咗舊肥豬肉。仲有個蘑菇意粉（唔記得個正式名），都係好一般，個意粉嘅汁唔太吸引。以每人$240呢個價，其實真係俾多少少食番Outback，或者去Greyhound/Pizza Express好過
入座時侍應先話最低消費每人一個main course，但等咗咁耐就是旦啦。
但其實最低消費每人一個main course係好唔考慮顧客食量，寧願佢定最低消費一個價錢，雖然計數有啲煩，但起碼細食嘅人，好似我地7個女仔，就可以留肚叫吓甜品，唔夠數咪叫多幾杯嘢飲，至少唔洗浪費食物（加上食物質素又唔係好到令人食剩都有意欲打包）。
至於食物質素，其實唔值呢個價。
個焗黑豚肉飯塊豬扒又乾又硬。
個雜菌汁牛扒就咁放喺堆幼薯條上面，啲薯條又唔算香脆。雜菌汁有少少黑松露味，唔鍾意黑松露味就唔好叫呢個
個三文魚扒，都係一般，就咁煮完塊扒浸住喺唔知算湯定汁嘅嘢度，塊扒就無乜味。
卡邦尼意粉普普通通。
軟殼蟹risotto啲飯係類似粟米忌廉汁煮，同軟殼蟹唔多夾。
蘋果木燒豬腩肉都無乜特別，基本上舊肉係無乜調味咁，就咁食咗舊肥豬肉。
仲有個蘑菇意粉（唔記得個正式名），都係好一般，個意粉嘅汁唔太吸引。
以每人$240呢個價，其實真係俾多少少食番Outback，或者去Greyhound/Pizza Express好過。
唔會再encore呢間。
Post