泰贊- 創意泰餐廳 (Closed)

大病後深深感受到Life's too short to eat bad food，所以有得食，就要食好啲。今次揀左美麗華商場入面的西式加泰色既fusion菜so thai so good。呢度既裝修主要用左少女粉嫩既Tiffany Blue，正正係女生們既最愛，店內既格調亦都係舒適夢幻童趣風格，我好鐘意呢！晚餐時間主要點左蒜茸辣椒炒通菜($48)。通菜顏色嫩綠，口感爽脆清爽。雖然係炒的，但唔油膩。蒜香味濃，辣椒係吞完後先會感覺到香辣，幾醒胃。我地點左炸魷魚圈，外表不如menu圖片般香口，不過味就係幾好，用料係細隻既魷魚，不會太韌，不過炸粉略為多左啲，配上泰式甜酸醬絕對係令到胃口大增。我地仲點左紅咖哩肉丸配薯條($70)，呢個菜有啲fusion，美式style配泰式香料。據我了解紅咖喱既味道係比較辣，濃味較重。但係呢度既紅咖喱就冇呢個特點，不過椰香都幾出，而且食到泰式香草的鮮味，味道層次都幾豐富。肉丸比較乾身，咬開裡面少少汁都冇，而且份量太少，只有四粒。但最意想不到係有好多配菜，份量多而且款式都多。粗薯條配紅咖哩原來幾夾。因為驚唔夠飽所以點了香辣肉碎炒泰式金邊粉，呢度既小炒都不太油，這點