Video
Read full review
2022-09-28
51 views
之前試過同一集團嘅享慢煮泰，覺得唔錯，所以就約朋友收工後試下享慢煮意，我地叫左兩個Set Dinner 。...Starter 頭盤:-1️⃣Signature Lobster Bisque Lava Croissant 招牌龍蝦湯流心牛角包果然係招牌，牛角包🥐非常酥脆，龍蝦湯濃郁 。雖然內裡有龍蝦湯，但唔會令個包質感變得奇怪。2️⃣Classic Lobster Bisque 法式龍蝦湯 (+48)雖然個牛角包已經有龍蝦湯，但係唔夠喉，加上整正宗嘅龍蝦湯係有好多工序，特別係處理隻龍蝦，所以要叫碗大嘅。個湯鮮味十足，濃稠度適中，龍蝦肉亦唔少。...Main Course 主菜:-1️⃣Classic Skate Au Poivre 法式焗大西洋魔鬼魚魔鬼魚肉質嫩滑，魚肉能夠一條一條咁分開，然後啜入口，最正嘅係連啲骨可以食埋，滿滿嘅骨膠原。2️⃣USDA Hanger Steak w/ Demi-glaze 香煎慢煮封門柳 配 自家製牛肉汁封門柳雖然冇乜油花，但牛味香濃，肉質鬆軟，一啲都唔韌，加埋自家製嘅Demi-Glace sauce ，將肉味昇華。另外，餐廳選用嘅封門柳係經過美國農業部(USDA)認
之前試過同一集團嘅享慢煮泰，覺得唔錯，所以就約朋友收工後試下享慢煮意，我地叫左兩個Set Dinner 。
.
.
.
Starter 頭盤:-
1️⃣Signature Lobster Bisque Lava Croissant
招牌龍蝦湯流心牛角包
果然係招牌，牛角包🥐非常酥脆，龍蝦湯濃郁 。雖然內裡有龍蝦湯，但唔會令個包質感變得奇怪。
2️⃣Classic Lobster Bisque 法式龍蝦湯 (+48)
雖然個牛角包已經有龍蝦湯，但係唔夠喉，加上整正宗嘅龍蝦湯係有好多工序，特別係處理隻龍蝦，所以要叫碗大嘅。個湯鮮味十足，濃稠度適中，龍蝦肉亦唔少。
.
.
.
Main Course 主菜:-
1️⃣Classic Skate Au Poivre 法式焗大西洋魔鬼魚
魔鬼魚肉質嫩滑，魚肉能夠一條一條咁分開，然後啜入口，最正嘅係連啲骨可以食埋，滿滿嘅骨膠原。
2️⃣USDA Hanger Steak w/ Demi-glaze
香煎慢煮封門柳 配 自家製牛肉汁
封門柳雖然冇乜油花，但牛味香濃，肉質鬆軟，一啲都唔韌，加埋自家製嘅Demi-Glace sauce ，將肉味昇華。另外，餐廳選用嘅封門柳係經過美國農業部(USDA)認證，品質保證！
.
.
.
Dessert 甜品:-
1️⃣Sous-vide Cheesecake 真空慢煮芝士蛋糕
質地好幼滑，好Creamy，而且會食到少少蛋香。
2️⃣Pop Candy Salted Caramel Espresso Lava Croissant 爆炸糖海鹽焦糖咖啡流心牛角包
Espresso 嘅苦加上海鹽焦糖嘅鹹甜，成件事好夾，食嘅時候重有啲爆炸糖喺口腔入面跳下跳下，充滿口感嘅Dessert。
.
.
.
Welcome Drink:-
Post
