Book B Kitchen Mealmeal (Closed)

同朋友兩個去南豐紗廠行下，上一層就見到呢間一半書店一半餐廳嘅地方。我哋坐岀面位置，雖然係矮bar枱，不過仲好似闊落咗。我哋叫咗招牌椰菜南瓜蓉味增豆乳烏冬同鷹嘴豆醬油漬蕃茄蝴蝶粉。個烏冬嘅南瓜稍微烤過，食落唔會就咁一pat pat嘅口感，而個汁醬比較傑身，撈落個烏冬度個烏冬熱得來又唔會辣親我個嘴，仲有秋葵，都唔係一pat pat嘅口感。整體無同啲烏冬融為一體，口感唔錯。個蝴蝶粉就唔覺有鷹嘴豆，唔知係唔係整左落個醬度。不過個蝴蝶粉有羽衣甘藍，同埋蕃茄乾。啲蕃茄乾食落酸度啱啱好，反而有助開胃。