Video
Read full review
2017-11-23
186 views
本身想去IKEA食下拼盤，可惜熱潮未過 即使禮拜三仍然排哂長龍，於是就近近地喺返中染大廈呢個小美食商場覓食。最後選擇左呢間「龍門一番 上海紫砂·燉湯」，除左個名夠勁之餘舖頭環境設計都好吸引好似文青cafe咁。入座後侍應即時遞上餐牌同問我地要咩茶，特別既係每個位都會有個專屬小茶壺，等食客可以自己決定茶葉多少同濃度，亦唔怕落得太多水浸耐左 出現前淡後濃既問題，認真周到同男朋友兩人總共叫左四個菜一個甜品：- 百合木耳炒秋葵（$68）- 山東手絲雞（$72）- 鱔糊兩面黃（$72）- 黑將軍墨魚水餃（$48@6隻）- 香芋鍋餅配雪糕（$48）山東手絲雞，配以三種特製醬料（味道大致係辣椒醬、酸梅醬同豉油）。份量頗多，肉質嫩滑，個人偏好中間既酸梅醬，食落酸酸甜甜好開胃；男朋友反而中意辣椒醬，因為味道帶麻辣，鮮少喺出面食到。百合木耳炒秋葵，健康清淡既一款菜式。雖然煮法用炒，但食落唔油膩，岩哂追求健康既都市人。秋葵，唔會炒得好乾身，仍然保持黏滑濕潤既口感；木耳好爽口，同秋葵好夾；百合外面爽脆，咀嚼起黎帶粉，口感好豐富。鱔糊兩面黃，鍾愛鱔糊既人必選平時食上海野鱔糊通常都係配粗炒/飯，呢度有得揀兩面黃先講
可惜熱潮未過 即使禮拜三仍然排哂長龍，
於是就近近地喺返中染大廈呢個小美食商場覓食。
最後選擇左呢間「龍門一番 上海紫砂·燉湯」，
除左個名夠勁之餘舖頭環境設計都好吸引好似文青cafe咁。
入座後侍應即時遞上餐牌同問我地要咩茶，
特別既係每個位都會有個專屬小茶壺，
等食客可以自己決定茶葉多少同濃度，
亦唔怕落得太多水浸耐左 出現前淡後濃既問題，
認真周到
同男朋友兩人總共叫左四個菜一個甜品：
- 百合木耳炒秋葵（$68）
- 山東手絲雞（$72）
- 鱔糊兩面黃（$72）
- 黑將軍墨魚水餃（$48@6隻）
- 香芋鍋餅配雪糕（$48）
山東手絲雞
$72
35 views
0 likes
0 comments
山東手絲雞，配以三種特製醬料（味道大致係辣椒醬、酸梅醬同豉油）。
份量頗多，肉質嫩滑，個人偏好中間既酸梅醬，食落酸酸甜甜好開胃；男朋友反而中意辣椒醬，因為味道帶麻辣，鮮少喺出面食到。
百合木耳炒秋葵
$68
20 views
0 likes
0 comments
百合木耳炒秋葵，健康清淡既一款菜式。雖然煮法用炒，但食落唔油膩，岩哂追求健康既都市人。
秋葵，唔會炒得好乾身，仍然保持黏滑濕潤既口感；
木耳好爽口，同秋葵好夾；
百合外面爽脆，咀嚼起黎帶粉，口感好豐富。
鱔糊兩面黃
$72
72 views
0 likes
0 comments
鱔糊兩面黃，鍾愛鱔糊既人必選平時食上海野鱔糊通常都係配粗炒/飯，呢度有得揀兩面黃
先講鱔糊，每條都肥大爽脆，醬汁調較得恰到好處，鹹甜適中；
炒麵中心索左汁後口感鬆軟，味道岩岩好，非常惹味，但外圍建議可以煎得再香脆啲。
黑將軍墨魚水餃
$48
22 views
0 likes
0 comments
黑將軍墨魚水餃，外皮加左墨魚汁所以賣相睇落黑漆漆咁。
唔知係因為加入墨汁定師父手勢搓得好關係，餃子皮特別有咬勁，厚身但唔會硬；
豬肉餡亦有混墨魚，軟稔多汁，賣相看似重味卻隱藏雙重鮮美。
隨水餃仲配上醋同辣醬，但我地都係中意唔點醬汁食，原汁原味先係皇道！
香芋鍋餅配雪糕
$48
58 views
0 likes
0 comments
甜品一上真心有驚喜，賣相形似西式甜品，配上雪糕同綿花糖，女士見到實中意
香芋鍋餅，上菜時唔係熱辣辣，略為失望；
餡料係真芋蓉，所以味道唔會假同太甜，亦保留到芋頭綿密既口感；
可惜表面既糖霜太多，掩蓋左香芋本身既香味。
雪糕有曲奇、朱古力同雲尼拿可以揀，可惜曲奇無哂，我地揀左後者；
雪糕同出面既差唔多，無咩好點評，但配以鍋餅一齊食出乎意料地夾。
整體黎講，價錢適中，味道比其他同類上海野清啲無咁油膩，座位未至於闊絡但坐得舒服，同屋企人/朋友晚飯小聚既好選擇
Post
