相馬日式火鍋 (Closed)

燒肉同埋火鍋 我就一定會揀火鍋！呢一間火鍋放題真係好抵食！！晚市120分鐘嘅放題平日$268，假期都係$288 咋！三百蚊唔洗，就可以瘋狂任食美國特選牛肩胛😍😍唔係講笑！佢每一碟肉都好新鮮，好靚，係鮮紅色嘅！最鍾意就係食牛肩胛肉，入口好軟嫩，唔會太鞋亦都唔會太過肥，肥瘦均勻，牛味仲相當之濃郁❤️呢度仲可以揀一人一鍋，咁就可以試齊兩款湯底。今次就試咗中華辣湯同泡菜湯底🌶🌶中華辣湯 望到個樣都知道好夠辣 紅卜卜！加埋肥牛就好似水煮牛肉咁～而泡菜湯就酸酸辣辣，個人就比較鍾意呢款！食落冇咁油膩，仲好足料，好多泡菜喺入面，好開胃💓