Video
Read full review
2019-09-06
28 views
一直都好想食魚子醬，但我暫時無能力坐頭等，就算見到有得賣，自己亦都唔識整魚子醬既料理。最近竟然比我搵到一間食魚子醬料理，重點係唔貴！所以即刻叫埋個frd同我一齊去。呢間crazy king係大角嘴，好近巴士站幾方便，一入到餐廳就見到一幅石屎牆，貼左好多極光同食物既相片。佢既座位都幾闊落，坐落都舒服既。我地即刻二話不說叫左一set意大利皇家魚子醬套餐，侍應都同我地講乾魚子醬係餐廳全新既產品，我地都好期待。佢既皇家魚子醬三重奏感覺好高級，主廚會根據食材有時會變換菜式。我地今次係劍魚腩配魚子醬，一入口先有魚子醬淡淡既咸味，再咬多幾啖就有劍魚腩既甘香味，一d都唔腥仲要好夾，好味！溫泉蛋亦都恰到好處，流心既creamy蛋黃，加埋魚子醬調味，好滑漏。而魚子醬紅蝦薯仔沙律都唔錯。另外，我地叫左個烤西班牙水晶包，初初諗住會係透明糯米粉質地，點知係脆身，仲要表層加左鹽，完全估唔到。佢既醬汁調得幾好，有香草味、欖油、蕃茄汁三隻味，個人最鐘意蕃茄汁，酸酸地有少少蕃茄茸開胃。主菜方面，我地叫左黑松露菌忌廉燒汁燴豬膝，個薯茸係即磨，而且黑松露汁加黑松露子好香濃味道，特別要讚豬膝炆得好稔，肥瘦適中，加埋薯蓉好有層
呢間crazy king係大角嘴，好近巴士站幾方便，一入到餐廳就見到一幅石屎牆，貼左好多極光同食物既相片。佢既座位都幾闊落，坐落都舒服既。
我地即刻二話不說叫左一set意大利皇家魚子醬套餐，侍應都同我地講乾魚子醬係餐廳全新既產品，我地都好期待。
佢既皇家魚子醬三重奏感覺好高級，主廚會根據食材有時會變換菜式。我地今次係劍魚腩配魚子醬，一入口先有魚子醬淡淡既咸味，再咬多幾啖就有劍魚腩既甘香味，一d都唔腥仲要好夾，好味！
溫泉蛋亦都恰到好處，流心既creamy蛋黃，加埋魚子醬調味，好滑漏。而魚子醬紅蝦薯仔沙律都唔錯。
另外，我地叫左個烤西班牙水晶包，初初諗住會係透明糯米粉質地，點知係脆身，仲要表層加左鹽，完全估唔到。佢既醬汁調得幾好，有香草味、欖油、蕃茄汁三隻味，個人最鐘意蕃茄汁，酸酸地有少少蕃茄茸開胃。
主菜方面，我地叫左黑松露菌忌廉燒汁燴豬膝，個薯茸係即磨，而且黑松露汁加黑松露子好香濃味道，特別要讚豬膝炆得好稔，肥瘦適中，加埋薯蓉好有層次。
最後，上埋個乾魚子醬海蝦意粉，海蝦彈牙，而且主廚會係面前即席炮好多乾魚子醬，感覺好奢侈，食完成餐好飽，飽到滯滯地，兩個女仔食真係可能食唔曬，但呢間性價比相當高。
Post
