拉麵天王 (Closed)

支裝汽水 $10另有冰凍檸檬水十分解渴。白王 $72朋友選了白王，湯底係用鮮豬骨熬制十小時，味道濃郁，充滿骨膠原，同一般博多豬骨湯底唔同嘅係加左秘制醬油，味道更加豐富，而且幾特別。限定王 $92我食嘅係今日嘅限定王— 胡椒芝士麵。灑上左好多芝士碎，半溶嘅狀態夾住麵一齊食真係好滿足。湯底嘅胡椒味好香，調味剛好唔會嗆喉，胡椒味令香濃嘅豬骨醬油滑更美味。麵質幼滑。不得不提係叉燒半肥瘦，肉質嫩滑，大大塊仲有三塊咁多，份量很足！烤餃子 $30朋友喜歡餃子，皮薄又脆，餡料好味。豚角煮 $25通常係厚切切件炆嘅豬腩肉，這家比較薄切，脂肪同肉嘅比例剛好，肉有點咬肉，特別之處係用了火燒增添香味。整體質素同其他出名要排隊嘅拉麵店不相伯仲。