淡水老街古早味現烤蛋糕 (Closed)

阿哥係元朗出黎探阿媽，順帶係佢屋企樓下買左盒古早味蛋糕上黎，之前試過佢地嘅原味，今次阿哥好醒目，轉一轉新口味，買左個肉鬆味古早蛋糕😋。肉鬆味古早蛋糕口感冇咁濕潤，咸咸地食落反而冇咁溜，肉鬆好香，面頭仲有芝麻同碎紫菜，增加香口感，肉鬆嘅咸味同蛋糕嘅蛋香味又出奇地夾。👍🏻淡水古早除左原味之外，每日仲會出爐一至兩款特式味道，（例如有：椰香班蘭、榴槤、蜂蜜抹茶、腰果蜜蜂桂圓、粒粒香芒、黑松露芝士朱古力等等.......）上次試過紫薯味，不過紫薯味道唔太出。下次最想食係黑松露芝士朱古力😋