新沙洞澡堂 (Closed)

長沙灣嘅新沙洞澡堂韓式食品，夜晚有部隊鍋、炸雞、生菜包豬手、炒年糕等等～🥬韓式豬手配生菜包🍖 $248豬手切成細細片、方便放上生菜🥬生菜大大塊好完整都有分2款西生菜同紅菜生菜，附上自家製辣醬汁、醃蘿蔔絲、大蒜、青辣椒，辣醬汁唔會太辣，反面青辣椒入口會爆炸🤣🍗麻辣勁爆芫茜炸雞 半份 $88半份大約有5塊，麻辣味香濃有啲似麻辣燒賣個啲辣油咁，帶有芫茜香味，有少少刺激感🌱炸雞外脆內軟，咬落去雞汁流哂出嚟～🍜韓式水冷麵 $98水冷麵附上鉸剪可以剪開麵條，湯底冰涼清爽帶有淡淡麻油味，冷麵質彈牙好有嚼勁，配搭青瓜條、白蘿蔔片，天氣熱時食呢個真喺涼入心！🍶荔枝馬格麗米酒 $58飲落甜甜順口，帶有淡淡奶味，酒味唔會太濃🍯凍蜂巢蜜拿鐵 $58杯子好似透明外賣膠杯，真身喺玻璃杯！蜂巢蜜放喺表面拉起有啲蜂巢蜜絲，帶有淡淡蜂蜜味～☕玫瑰拿鐵 $42Rose拿鐵拉花幾靚，如果有埋玫瑰花瓣就好～🥐宇治抹茶紅豆 韓式牛角酥窩夫 $58牛角酥窩夫好酥脆，表面勁多宇治抹茶醬，連埋紅豆粒一齊食好夾好滿足！