新香園 (堅記)

Open Now

Now Closed

其實呢間嘢都嚟咗食好多年入得黎都唔好指望有啲乜嘢服務態度，想食啲乜嘢擘大喉嚨嗌就得㗎啦😆嚟到呢度食就一定係食蛋牛治，即叫即整就梗㗎啦，最重要係佢個蛋同埋牛肉完美混合之餘，外面仲要煎到有少少脆邊，配搭埋烘底嘅多士口感方便就簡直係相輔相成。但係點解今次食嘅時候一啖咬落去之後有啲莫名嘅虛空感覺？到底嗰少少失落感係喺邊度出嚟㗎呢？終於我發現咗個原因我又未至於會話佢偷工減料，可能真係成本上漲關係，蛋牛治入邊嘅蛋牛好似一塊圓形嘅豬柳咁樣，令到烘底多士嘅盡頭有着無盡嘅空虛，就連中間應該逼到脹卜卜嘅正中心都已經變成得返薄薄嘅餡料。而杯奶茶又好奇怪，之前嚟飲都覺得印象係好好，今次呢飲落都非常提神，但係今次飲落唔知點解硬係覺得啲茶味收收埋埋唔夠出，原因未明。總結來講，比我一直以來食開好似退步咗唔少，不過作為一間老字號嘅舖頭，我諗我都仲會俾多次機會佢再試吓，希望下次會好啲啦。