蘇B燒 (Closed)

黎土瓜灣探人，順便去九龍城食泰菜，本身想去昌發食船麵，點知2點黎到大排長龍......😥 朝早做完運動，加全日無食過野嘅我，表示唔想等，諗住九龍城出名泰菜，應該事單一間都好味，結果衰左😣。星期六居然有午市套餐，而且一價$45，包餐飲、免加一，喺九龍城區非常少見😯。餐廳唔大，當日店內有其他食客，加上老闆同職員都以泰語對話，感覺唔錯😏。泰國炒金邊粉 $45平時食開炒金邊粉會跟辣椒粉、花生碎、青檸，雖然呢度乜都無，但唔緊要，對我黎講果D只係配角。原來呢個係雞肉炒粉，雞肉味道正常，無腥味雪味。不過，個粉完全無鑊氣可言，聞同食都係茄醬味，而且好油…個底一堆油😑泰式炒飯(豬) $45呢個炒飯上枱果陣，我地已經心知不妙😢。炒飯偏濕，唔酸、唔辣、唔鹹、無鑊氣，只有蔥頭/洋蔥味，整體味淡，唔知食緊乜😓。 泰式蝦餅2件 $28呢個味道正常、彈牙，全店唯一好食嘅野。龍眼冰、凍檸茶呢兩杯野都係難飲到頂點😖，我都知泰式野好甜，但問題係糖漿味好奇怪。