琛夜食堂 (Closed)

今天唔知食乜好，所以去食日本野就最好。前幾日終於睇左日本戲深夜食堂，忽然好想食串燒，所以就拉左朋友黎食啦，煙三文魚沙律$58食埋一堆油膩食物，注重健康既我，要食番個沙律先得既。煙三文魚係平時外國菜食開個種，大片扁平直身，魚味唔算濃。沙律菜好新鮮，夠晒爽脆。秘汁燒鮑魚仔$48/隻豪豪地就食番個鮑魚仔先，鮑魚成隻上，肉質腍軟彈牙，用餐廳自家製秘汁燒起，好惹味。秘汁肥牛金菇卷$48以前到現在都好中意金菇肥牛，唔知點解依個煙煙靭靭既肉同滑身既金菇會咁夾，食落嚼勁十足，加埋秘汁，無得彈。荔枝煙肉串$38如果想健康清新d，肉配菜串燒同樣係不錯選擇。煙肉大片，鹹度剛剛好，荔枝超甜，一齊食爆唒汁！芝麻雞翼$68每次去香港既日式店舖，芝麻雞翼係一定食嫁。雞翼唔算好大隻，但勝在好入味好惹味，而且又夠juicy，好食。