Video
Read full review
2018-02-13
2679 views
又一餐Christmas Lunch buffet，今次揀遠少少，由紅磡搭的士去尖沙咀柯士甸道西既W Hotel，聖誕節前成人每位港幣$358，信用咭白金卡以上 (Citi bank、HSBC、HSB、AE) 有9折。講返食物︰1) 海鮮：有龍蝦鉗、凍蝦、麵包蟹、青口，除左青口外，其餘都有食，龍蝦鉗大隻多肉但味道較淡、凍蝦大隻而且彈牙有鮮味、麵包蟹鉗多肉有鮮味，正! 順帶一提，龍蝦鉗我拎左兩轉之後餐廳都無再refill，改為供應凍蝦，有啲失望;2) 刺身壽司：刺身種類好多，有三文魚、吞拿魚、希靈魚、鯖魚、鯛魚、北寄貝、八爪魚、蟹柳等等，啲刺身都幾新觧，而壽司亦都有好多選擇;3) 熱盤：有焗蠔、烤牛肉、烤羊架、魚、燒物、炸物、咖喱、中式點心、粉麵、中湯、西湯等等，就到聖誕節，當然唔少得烤火雞，抱住懷疑既態度試左一塊，肉質竟然唔鞋口，最後拎多塊黎食。鍾意食辣既我竟然見到有川椒雞，即刻拎左黎試，可惜一啲都唔辣;4) 冷盤：有煙三文魚、火腿、沙律菜、芝士等等 ;5) 甜品：目測有十幾款，大部份既甜品味道都正常，最好味係法式焦糖布甸，焦糖係厚厚既一層，好滿足; 另外仲有朱古力噴泉同芝士
講返食物︰
1) 海鮮：有龍蝦鉗、凍蝦、麵包蟹、青口，除左青口外，其餘都有食，龍蝦鉗大隻多肉但味道較淡、凍蝦大隻而且彈牙有鮮味、麵包蟹鉗多肉有鮮味，正! 順帶一提，龍蝦鉗我拎左兩轉之後餐廳都無再refill，改為供應凍蝦，有啲失望;
2) 刺身壽司：刺身種類好多，有三文魚、吞拿魚、希靈魚、鯖魚、鯛魚、北寄貝、八爪魚、蟹柳等等，啲刺身都幾新觧，而壽司亦都有好多選擇;
3) 熱盤：有焗蠔、烤牛肉、烤羊架、魚、燒物、炸物、咖喱、中式點心、粉麵、中湯、西湯等等，就到聖誕節，當然唔少得烤火雞，抱住懷疑既態度試左一塊，肉質竟然唔鞋口，最後拎多塊黎食。鍾意食辣既我竟然見到有川椒雞，即刻拎左黎試，可惜一啲都唔辣;
4) 冷盤：有煙三文魚、火腿、沙律菜、芝士等等 ;
5) 甜品：目測有十幾款，大部份既甜品味道都正常，最好味係法式焦糖布甸，焦糖係厚厚既一層，好滿足; 另外仲有朱古力噴泉同芝士火鍋，有芝士火鍋真係好驚喜，因為好少自助餐有提供芝士火鍋，芝士好香，芝士迷必試;
6) 雪糕：共4種味道，我覺得芒果雪萉係最好味。
總括而言：
環境方面，餐廳有無敵大海景，光線充足景觀開揚，樓底高無壓迫感，地方大、座位多但檯與檯之間略微太密。
服務方面，酒店職員同餐廳員工都好有禮貌，而且收碟速度都快同主動。
食物方面，食物種類都好多，整體味道大致上唔錯，唯一要講既係放湯既位置有啲高，我身高160，當日著左兩吋高踭鞋都覺得有啲困難。
Post
