Video
Read full review
2022-11-12
375 views
老公同事相約噚晚(11-11-2022 Fri)嚟呢喥食大閘蟹打邊爐放題,book 咗6:30pm,我哋一行5人都準時到達,俾咗最入面嘅六人枱我哋,可以叫兩個鍋,我哋叫一個胡椒雞湯,另外一個就鴛鴦鍋,揀咗要加錢嘅黑松露牛乳同唔記得咩豬骨湯.我哋先食大閘蟹,其實大閘蟹唔大隻,不過算啦,我又唔係食佢啲肉,大多數係蟹公,乸嘅我就食到兩隻,蟹公嘅膏有半透明同淺黃色,口感較軟同粘;蟹乸嘅就多同較實,我就鍾意食蟹公嘞.食咗兩隻後,我哋就正式開始打邊爐,呢喥俾嘅牛係牛肩胛,係正常嘅,想order牛小排,但原來我哋呢個大閘蟹放題唔俾要呢樣,但又唔想食肥牛,所以只好食牛肩胛.豬肉片都正常冇問題嘅.其實開頭嗰啲火鍋料都正常冇問題;胡椒雞湯有胡椒嘅香味唔會好辣; 黑松露牛乳我就食唔到黑松露嘅味道,牛乳就食到,不過可能佢較杰身,中段發現佢有燶味,之後更加發現有嘢黐咗喺底;唔記得咩豬骨湯呢?我覺得OK冇問題.之後我哋叫海鮮同熟食,蠔,蜆,帶子都正常.熟食嘅蝦多士,好油膩,蝦係蝦膠,呢個一般.第二轉嘅海鮮中,見到有啲蜆嘅殼爛咗發生咩事?鮑魚同扇貝正常;但呢隻蝦就有啲霉同唔鮮甜.繼續熟食中有串燒,我食咗雞肉?都OK
俾咗最入面嘅六人枱我哋,可以叫兩個鍋,我哋叫一個胡椒雞湯,
胡椒雞湯
24 views
0 likes
0 comments
我哋先食大閘蟹,其實大閘蟹唔大隻,
不過算啦,我又唔係食佢啲肉,大多數係蟹公,乸嘅我就食到兩隻,蟹公嘅膏有半透明同淺黃色,
口感較軟同粘;蟹乸嘅就多同較實,我就鍾意食蟹公嘞.食咗兩隻後,我哋就正式開始打邊爐,呢喥俾嘅牛係牛肩胛,係正常嘅,想order牛小排,但原來我哋呢個大閘蟹放題唔俾要呢樣,但又唔想食肥牛,所以只好食牛肩胛.
豬肉片都正常冇問題嘅.
其實開頭嗰啲火鍋料都正常冇問題;
胡椒雞湯有胡椒嘅香味唔會好辣; 黑松露牛乳我就食唔到黑松露嘅味道,牛乳就食到,不過可能佢較杰身,中段發現佢有燶味,之後更加發現有嘢黐咗喺底;唔記得咩豬骨湯呢?我覺得OK冇問題.之後我哋叫海鮮同熟食,蠔,蜆,帶子都正常.
熟食嘅蝦多士,
好油膩,蝦係蝦膠,
呢個一般.第二轉嘅海鮮中,見到有啲蜆嘅殼爛咗發生咩事?
鮑魚同扇貝正常;但呢隻蝦就有啲霉同唔鮮甜.繼續熟食中有串燒,
我食咗雞肉?都OK嘅;之後發現有金菇肥牛,
鹹甜嘅燒汁味道已入晒味,但可惜口感係乾嘅.雞翼就最離譜,
孜然同芝士雞翼都係就咁灑孜然同芝士粉上去, 孜然粉係可以理解, 但芝士就接受唔到囉,而且唔好食.然後又食海鮮,今次要琵琶蝦,琵琶蝦已經開咗邊,方便食用,口感正常.而呢隻藍尾蝦就又甜又爽.
最後一轉海鮮中,啲蜆係鹹,係好鹹,鹹到連嗰鍋湯之後淥其他嘢都鹹晒,其實有冇洗過?好彩係尾聲,我哋冇咩要再淥,否則要佢哋換過晒新嘅.最後我哋要炸甜薯同燒菠蘿,但等咗好耐好耐都冇,催過三次都冇人跟,我就同收銀講,佢print張單出嚟睇,係冇喎,但ZY係有撳落單掣,算,我哋再落多次.繼續等多20分鐘,仍未有,又催,終於嚟喇,
呢兩樣嘢都正常冇問題,食完後,又嚟多一轉,即係其實我哋真係有落,可能佢哋嘅落單系統有故障.嘢飲方面都係罐裝飲品,咁佢都有薑茶,但只係暖暖地,YW就係咁同收銀反映,都好耐佢哋至加熱薑茶去個壺喥.
味道係2.5分
之前睇過carrieair嘅呢篇食評https://www.openrice.com/zh/hongkong/review/%E5%A4%A7%E6%84%9F%E5%A4%B1%E6%9C%9B-e4564965,我嚟到就第一時間睇吓個雪糕櫃,雪糕真係吉到不得了,而且難舀,我只係舀到碎片雪糕,討厭.
服務:只係開頭好,有密密收嘢,同問要唔要加湯,之後就好似上面講咁.
不過個男仔開頭真係只就咁放低張QR code紙,完全冇同我哋講用佢落單.
知道我哋呢枱係食大閘蟹,都唔俾濕紙巾,我哋食咗幾轉要嗌至俾
3.5分
環境同衛生係4.5分, 抵食係2.5分
Post
