翡翠茶餐廳

Open Now

Now Closed

本來幾鍾意呢間茶餐廳，因為有蒸魚又有燉湯，但今日嘅經歷令我以後都唔想幫襯，感覺太差話說平時佢嘅蒸魚午餐（唔係貴價嗰隻，貴嗰種要等佢即蒸，但午飯時間有限）通常都係鯇魚，咁我都鍾意食嘅，今日餐牌多咗烏頭可選擇（請參考圖片），於是就揀蒸烏頭啦，點知個年紀大嘅女侍應即刻話冇烏頭，咁我都理解，有時餐牌寫咗都可以冇，咁我照要鯇魚。點知，大約10分鐘後，有個男人嚟搭枱，坐正我隔籬，佢今日見有烏頭，機不可失，又叫烏頭，個阿嬸竟然幫佢落單，之後真係奉上半條烏頭，喂! 咩意思呀？唔知個男人係咪熟客啦（但從對話中可知佢冇預訂烏頭㗎喎），有乜理由個男人叫就有，我係女人／唔係熟客就同我話冇？阿嬸仲係當住我面落單，若無其事咁，咁做生意點得呀？冇啲誠信。雖然呢間茶餐廳算抵食，應該繼續有好多人去幫襯，但我都係不吐不快😡烏頭食唔食都罷，重點係啲伙計咁唔老實／公道，我一定唔會再去！