美味食店 (Closed)

我一路都有聽過呢間野，一次睇電視蔡生又介紹，我自己住附近，覺得呢間野其貌不揚，本身冇乜興趣試。但尋日真係行過時，見好多人食，個樣又幾骨"子"喎，就走過去買一件！6蚊雞一點都唔貴，都幾大大件，我見第二度有些賣奇形怪狀的細細件都係咁既價錢或者仲貴。睇外表我就好滿意，加左甜醬辣醬食。佢係一包包預先入好，你一買佢就即刻拿俾你！我本身擔心唔知會唔會唔熱唔新鮮，一咬，呢個擔心完全消除晒！超熱！佢基本上貨去得快，包左都唔夠幾分鐘就有人買的了！所以唔駛再驚唔新鮮，兼多餘油份揩左0係袋面，其實食得比即撈上黎既臭豆腐健康！外層超脆！入面好軟好滑！真係好一流！最初懷疑蔡生乜都話好食，今次試過唔可以唔服喇！