Cafe Wellcome x BBQ Place (Closed)

同朋友喺EMAX搵餐廳食lunch，就見到有個廣告牌寫住Cafe Wellcome全港最大空中花園，所以一於即管去睇吓餐廳樓面非常闊落，平時應該有做開自助餐，不過佢午市都有提供一啲套餐我同朋友叫咗兩個套餐，分別係: 午市套餐 F. 西京燒比目魚配飯 98每個套餐都會送一碗餐湯餐包同埋沙律。餐湯係羅宋湯，有別於一般港式茶記嘅茄膏味羅宋湯，飲得出個湯係真材實料，用咗好多款蔬菜，同埋有陣陣嘅牛骨味。至於西京燒比目魚焗得啱啱好，一啲都唔乾身入口非常嫩滑。而且個味道甜甜地之餘又焗得好香，非常好食午市套餐 G.BBQ豬仔脾配薯菜108BBQ豬仔脾煮得好稔，配埋類似蜜糖燒汁嘅醬料真係好夾，一啲都唔乾身，而且份量嚟講係有三條咁多薯條都係新鮮整嘅熱辣辣，而菜方面有翠玉瓜同雞髀菇，味道都唔錯套餐仲送飲品同甜品我哋叫咗熱檸檬水、熱菜蜜同埋兩杯木糠布甸，個布甸係出乎意料嘅好味，餅碎同忌廉嘅份量比例啱啱好，唔會太膩。成個套餐真係非常豐富。