肥哥車仔麵

Open Now

Now Closed

路過見好多人排隊，豬事的我們又去排埋一份。幸運地等一陣就有位，但坐低後等落order同等麵的時間要較長。現在食個車仔麵動輒已過40大元，貪心的我也不例外，輕鬆的揀5個餸就已盛惠$49!落單付款，不怕呦數。我點了蘿蔔牛腩支竹冬菇獅子狗小辣油麵。相中未有出現蘿蔔，因我吃到最後才發現少了蘿蔔這主腳，同阿姐姐講佢又信我wo, 話俾相佢為証佢都話唔洗，因為常有發生唔怕你呃，哈哈！街坊生意的親切感滿載！講返個麵，湯很濃，油麵彈牙，牛腩好淋但太小塊有點散修修的感覺，冬菇意外地厚身，但唔夠淋同入味，支竹獅子狗無特別。遲來的蘿蔔無渣，煮到淋哂入哂味，但無蘿蔔甜味，不致最好吃也不差！雖然我只點了小辣，但見到辣椒粒時已覺不對路，真係幾辣，自調的辣油就是不一樣！辣油中還加了蒜跟洋蔥等材料，好吃！朋友說豬大腸也好爽口，不錯。其實真的不會分車仔麵怎樣先叫好吃，應該是湯，麵還是料？我看是吃完沒有需要瘋狂飲水，所以算味精不多，又有味，已加分。