臨記

Open Now

Now Closed

人地講到咁好食，特登來一試。唔係繁忙時段都有4、5個人等，唔係真係咁好生意呀嘛...門講到明用日本麵粉，又話唔落牛油，未食都諗緊無牛油會唔會唔好食既問題。講真，如果唔係好食既話，食件夾餅都要咁樣等法，我唔會等囉。但經過我親口試過，我唔會再等!!一咬，完全唔係格仔餅果回事!!!件餅唔煙un，係又脆又乾，我唔明點解都可以叫做格仔餅。一味得個 "厚" 字，要勁大個口先食到，其實有點辛苦!無牛油，真係無左份油香，唔好食。花生醬根本就同件餅係分開既，而且太水質，完全無口感可言。真係一D都唔好食，餅底又唔甜，餡都唔好得去邊，同好味兩個字差太遠啦。