Video
Read full review
2009-06-15
24 views
有時食野前，真係要上黎「開飯」睇一睇先！平時放工成日都見呢間餐廳的大頭公仔宣傳，今日終於「有幸」光顧，真係一試便知瀨野！其實一間食肆的人客數量，或多或少都反映到其質素，這間大巴黎，初時仲以為係同小巴黎一對係食越南野的。八時左右的黃時間，只得大約一半的滿座，我當時都心知不妙，只係真的估唔到咁不堪而已。待應係唔會帶你去邊張枱的，我同女友便好似去快餐店咁求其搵張枱吧，反正都大把吉枱，但坐左好耐都未有清水俾你。都算了，於是點餐點了一客鵝肝ＨＡＭ的凱撒沙律和一客焗吞拿魚鮑片意粉。餐湯點了一紅一白，但跟湯的麵包卻欠奉，只得兩碗湯俾我地，就連湯碗下的碟都冇，見到枱面上的兩碗「孤單的湯」我同女友都真係打左個突！都算了，只要湯好飲就得，白湯過得去，紅湯女友喝了兩啖便唔飲了，事後佢話好似溝左水咁淡而無味。都算了，可能主菜好味呢！先來個凱撒沙律，頂！如果唔係我記得叫咩，仲以為佢黎的是前菜，隻碟細不特止，蔬菜份量自然少得可憐，所謂的鵝肝就大家去食ＬＵＮＣＨ ＢＵＦＦＥＴ的果Ｄ下價肝鵝ＨＡＭ，得三片之餘，舊鵝肝仲要有點苦苦地咁。都算了，跟住好快便黎埋我的焗意粉，但一拮落去，便發現好明顯係焗得唔夠耐，Ｄ意粉好似放
平時放工成日都見呢間餐廳的大頭公仔宣傳，今日終於「有幸」光顧，真係一試便知瀨野！
其實一間食肆的人客數量，或多或少都反映到其質素，這間大巴黎，初時仲以為係同小巴黎一對係食越南野的。八時左右的黃時間，只得大約一半的滿座，我當時都心知不妙，只係真的估唔到咁不堪而已。
待應係唔會帶你去邊張枱的，我同女友便好似去快餐店咁求其搵張枱吧，反正都大把吉枱，但坐左好耐都未有清水俾你。
都算了，於是點餐點了一客鵝肝ＨＡＭ的凱撒沙律和一客焗吞拿魚鮑片意粉。餐湯點了一紅一白，但跟湯的麵包卻欠奉，只得兩碗湯俾我地，就連湯碗下的碟都冇，見到枱面上的兩碗「孤單的湯」我同女友都真係打左個突！
都算了，只要湯好飲就得，白湯過得去，紅湯女友喝了兩啖便唔飲了，事後佢話好似溝左水咁淡而無味。
都算了，可能主菜好味呢！先來個凱撒沙律，頂！如果唔係我記得叫咩，仲以為佢黎的是前菜，隻碟細不特止，蔬菜份量自然少得可憐，所謂的鵝肝就大家去食ＬＵＮＣＨ ＢＵＦＦＥＴ的果Ｄ下價肝鵝ＨＡＭ，得三片之餘，舊鵝肝仲要有點苦苦地咁。
都算了，跟住好快便黎埋我的焗意粉，但一拮落去，便發現好明顯係焗得唔夠耐，Ｄ意粉好似放入碟度求其「叮」幾分鐘便上枱咁，叫會意粉可能會更貼切！面頭的芝士都來得孤寒過人，真係俾得果少少，講真茶餐廳焗飯都比佢「重料」好多！吞拿魚預左佢係罐頭，但都應該整得碎點先至舖上Ｄ意粉上面吧！至於那些鮑片。。。都係算罷啦！
食物方面真係感覺唔到有誠意，服務方面都不惶多讓，一如其他食評，侍應好似「遊魂」咁，心不在焉，送來的食物名稱都是叫錯的，檸水叫左檸茶，咖啡又叫左可樂。成間舖的人客不算多，其實都可以提供一個較靜的環境俾人傾下計，但係這裡的幾個侍應偏偏又起喜歡高談闊論，圍埋一堆晌度玩同談笑，變左全餐廳最嘈、最騷擾的反而係佢地了。
如果呢間餐廳的負責人見到呢篇文，請留意下貴店的食物同員工質素，否則，你個大頭公仔派幾多傳單都係冇用的！
Post