鳳城酒家 (Moved) New Location

早兩日又去鳳城飲早茶，諗住試下佢地d招牌魚翅灌湯餃，雖然要$30一籠(兩隻)，但見佢咁大隻，諗住裏面一定好多湯汁。點知裏面湯就無，啫喱狀既大菜膏就大把，唔知係原本的設計就係咁，定係蒸得唔夠呢？味道ok既，之前看過網友話，果d啫喱係燕窩，但我地就唔識欣賞囉。另一樣我地唔鍾意既就係鮑魚雞燒賣，其實即係類似春蛋燒賣咁，在燒賣上放上鮑魚和雞，不過原來每籠只有兩粒，一粒上面放鮑魚(類似壽司的貨色)，另一粒上面就放雞肉。食完真係覺得有d搵笨。