Video
Read full review
2022-11-20
304 views
食左有啲名氣既祺森冰室🫠🫠🫠貴！質素又麻麻！真心覺得好多茶餐廳冰室好過佢！🚁🚁🚁⍥ 蝦多士 ❙ $49熱焫焫脹卜卜係真既，唔油膩香口惹味都係真既，但份量少，唔值呢個價亦係真既😕唔係坊間打成蝦茸抆入去，係保留蝦粒比較有口感，味道唔差，不過平均一舊超過十蚊🫢我又覺得定價狼死左啲～⍥ 沙嗲牛米粉 ❙ $43睇樣好似好濃郁呀可？🫣實質麻麻地，第一啖係幾濃味，但唔係沙嗲味😩花生香就更加係妄想，但牛肉唔韌幾滑，處理得幾好。其實我都知沙嗲牛唔係太多地方做得好既，所以⋯算啦😐⍥ 咖喱牛腩飯 ❙ $56遠睇誇啦啦食埋先知大喇叭🫠所謂既咖哩只係一兜黃色既水，味道出奇地有層次，一開始幾濃幾鹹，後來係淡到不得了🙄🙄一啲咖喱香味都無！！好神奇架喎😑牛腩份量ok仲幾稔，而果pat黃色汁，真係好鬼唔掂！！！⍥ 紅豆冰 ❙ 跟餐+$13少冰少甜，微弱既椰奶味🤪真係做到少甜架，紅豆綿密少少甜咁，唔難飲既⋯感覺係幾健康既紅豆冰😂😂😂😂
🫠🫠🫠貴！質素又麻麻！
真心覺得好多茶餐廳冰室好過佢！🚁🚁🚁
⍥ 蝦多士 ❙ $49
熱焫焫脹卜卜係真既，唔油膩香口惹味都係真既，但份量少，唔值呢個價亦係真既😕唔係坊間打成蝦茸抆入去，係保留蝦粒比較有口感，味道唔差，不過平均一舊超過十蚊🫢我又覺得定價狼死左啲～
⍥ 沙嗲牛米粉 ❙ $43
睇樣好似好濃郁呀可？🫣實質麻麻地，第一啖係幾濃味，但唔係沙嗲味😩花生香就更加係妄想，但牛肉唔韌幾滑，處理得幾好。其實我都知沙嗲牛唔係太多地方做得好既，所以⋯算啦😐
⍥ 咖喱牛腩飯 ❙ $56
遠睇誇啦啦食埋先知大喇叭🫠所謂既咖哩只係一兜黃色既水，味道出奇地有層次，一開始幾濃幾鹹，後來係淡到不得了🙄🙄一啲咖喱香味都無！！好神奇架喎😑牛腩份量ok仲幾稔，而果pat黃色汁，真係好鬼唔掂！！！
⍥ 紅豆冰 ❙ 跟餐+$13
少冰少甜，微弱既椰奶味🤪真係做到少甜架，紅豆綿密少少甜咁，唔難飲既⋯感覺係幾健康既紅豆冰😂😂😂😂
Post
