刕舙馫麵館 (Closed)

本來諗住去金田家食拉麵,點知東主有喜,休息3天,於是就去左附近搵野食,search左陣google搵到間位於裕民街既刀削麵館,就入左去食。呢日人客唔算好多,我地求其搵左旁邊既卡位座就算。我地點左芥辣貓耳仔,麻辣水餃,麻辣牛筋刀削麵,麻辣豬扒刀削麵。芥辣貓耳仔-貓耳仔實質係木耳,木耳清爽,帶點芥辣算是一個幾別既配搭麻辣水餃-一碟6件,水餃餡料是白菜豬肉,水餃皮厚度很薄,但完全包住入面既湯汁,食落去好好味。麻辣牛筋刀削麵-牛筋很腍,炆得很入味,刀削麵不過不失麻辣豬扒刀削麵-豬扒厚切,不會很乾很硬。