Video
Read full review
2011-07-05
109 views
想係灣仔食東南亞野，發現左呢到，其實都成日行過呢條街，不過唔知係太早定太夜先行過關係，每次行過都冇開門，真係唔多覺呢間野。睇見d食評評價都唔錯，是日唔煮飯，就黎呢到食。睇睇menu都幾多野食，剩係小食都有好幾款想食，都真係唔考慮主菜果d野咁多，叫哂想食既先。先黎要豬頸肉，肉較為乾身，不過就幾香口，係切得薄得滯，冇咩咬口，個汁都係果d酸酸甜甜唔知係咩既醬，唔點都冇咩損失，不過都ok既豬頸肉。燒魷魚，個鬚位固然吸引，夠哂咬口，不過個身都係軟軟的，醬汁唔會蓋過魷魚本身既鮮味，都幾好食。蜜糖豬肋骨，冇想過係呢到食豬肋骨，好重bbq既味，聞落蜜糖味強勁，食落軟腍有肉香，係幾驚喜係泰式菜館食到這水準既豬肋骨。燒雞，雞肉嫩滑，本身醃得都好唔錯，真係一個人獨食一隻都唔過份。蝦魷魚柚子沙律，辣味完全蓋過所有味，蝦就唔多爽，魷魚都係ok，個人喜歡和泰居果個凍到牙都震埋既柚子沙律多d。貴妃苗，好青的感覺，好食，而家唔係到到見到有得食，到到都係果d馬拉盞炒菜，要叫菜的話，真係要叫呢個貴妃苗。娃娃菜，係純粹想食多一點菜，正正常常咁樣。咖喱軟殼蟹麵包，咖哩配包係好搭配，所以成兜野最好的係個麵包，最後係成個食哂。軟
睇睇menu都幾多野食，剩係小食都有好幾款想食，都真係唔考慮主菜果d野咁多，叫哂想食既先。先黎要豬頸肉，肉較為乾身，不過就幾香口，係切得薄得滯，冇咩咬口，個汁都係果d酸酸甜甜唔知係咩既醬，唔點都冇咩損失，不過都ok既豬頸肉。燒魷魚，個鬚位固然吸引，夠哂咬口，不過個身都係軟軟的，醬汁唔會蓋過魷魚本身既鮮味，都幾好食。
蜜糖豬肋骨，冇想過係呢到食豬肋骨，好重bbq既味，聞落蜜糖味強勁，食落軟腍有肉香，係幾驚喜係泰式菜館食到這水準既豬肋骨。燒雞，雞肉嫩滑，本身醃得都好唔錯，真係一個人獨食一隻都唔過份。
蝦魷魚柚子沙律，辣味完全蓋過所有味，蝦就唔多爽，魷魚都係ok，個人喜歡和泰居果個凍到牙都震埋既柚子沙律多d。
貴妃苗，好青的感覺，好食，而家唔係到到見到有得食，到到都係果d馬拉盞炒菜，要叫菜的話，真係要叫呢個貴妃苗。娃娃菜，係純粹想食多一點菜，正正常常咁樣。
咖喱軟殼蟹麵包，咖哩配包係好搭配，所以成兜野最好的係個麵包，最後係成個食哂。軟殼蟹都唔錯，幾香口，浸左落d咖哩到，減輕左炸野既油膩，不過又無咩浸腍到，都真係幾好食。印度薄餅，叫咖哩少不了叫這個，軟身似麵包，夠鬆軟，拎上手唔油，唯一想講就係熱d會更好。
南瓜焗咖喱海鮮，海鮮係幾唔錯，個飯帶有南瓜既甜味，不過個飯對我黎講就太濕潤，好似食緊咖哩risotto，濕濕的，好似飲緊咖哩汁黎肚，這款唔多岩我。
芒果沙冰，天時暑熱既好選擇，唔係果d溝糖水死糖既沙冰，都幾好。
其實仲有食沙爹果d，都係幾唔錯，整體食物水準我覺得幾好，地唔地道我真係唔知，不過就真係幾好食。服務環境都係正正常常，係灣仔區一個唔錯既選擇。
Post
