Green Tech Cafe (Closed)

有時唔可以成日做食肉獸，我會捉埋老公去食素。本身想食佢個high tea，不過份量好似好多。今次淨係叫咗三樣嘢食share。泰式冬蔭意大利飯($88)。初頭以為面頭果舊係無花果，原來係泰式茄子，燒得好香。成個飯濕濕地， 有好香金不換味，酸酸辣辣好開胃，越食越想食。士多啤梨芝士蛋糕(+$38)。清清淡淡食落有乳酪味。上面有好甜嘅芒果粒，高分過個蛋糕。特飲(+15)。大大杯好足料，唔記得曬有啲咩，淨係記得有紅火龍果，香蕉同玫瑰。好清新，好消暑，健康之選。總結係，耐唔耐食一次素感覺好健康，會再去試下佢其他菜式。