牛扒先生 (東港城) (Closed)

半自助午餐主菜由價錢由$88-$178加10%另包一杯飲品，自助區有湯有沙律有甜品，其實都幾抵。不過我哋下午1:45入座，外面寫住用餐時間係1小時15分，無寫幾點停，入座後職員無提過2點30分自助區會停，只喺停之前10分鐘通知，諗住慢慢食，所以最後係幾無奈。撇除呢點，我覺得價錢係合理，食物亦唔錢錯。餐湯味有啲重，料好足。沙律，款式都幾多，其中一款係腸仔沙律，小朋友都會鐘意，就算好似我咁唔鐘意食菜都會有菌類同粟米，我覺得唔錯。蜜糖燒烤醬焗英國豬肋排，外面醬嘅味有少少過鹹，連裏面嘅肉大啖啲會中和到，肉幾嫩，份量亦滿意。法式肉醬粗管麵，肉醬汁好濃，幾好味。豆腐花一潷落碗就碎，芝麻糊無咩芝麻香味，焦糖燉蛋蛋味濃厚。放題常見甜品。每人一杯餐飲。