Video
Read full review
2020-11-20
683 views
今日20-11-2020 (Fri)同老公放假落一落荃灣,我哋成日唔記得試呢間,今次終於記得喇,不過我唔係好肚餓,咁我食刺身就得啦.我哋睇完menu後,決定要$48.00嘅海景丼,要$18.00嘅菠蘿特飲,$42.00嘅四式刺身拼盤,用$10.00追加3片北寄貝刺身,同$16.00嘅蜂蜜蘆薈茶(熱).四式刺身拼盤牡丹蝦,帶子各1隻;三文魚,北寄貝各3件.牡丹蝦鮮甜同有粘嘅感覺;其他都正常不過.但wasabi豉油都幾鹹.北寄貝刺身唔使再講喇.海景丼三文魚3件,靈魚,北寄貝同熟蝦各3件,帶子1隻,蟹柳2件,再加一堆蟹籽.刺身質素同樣係一般正常,冇驚喜.飯就好食,因為醋嘅份量落得啱啱好,但原來飯都唔多.麵豉湯味道有啲奇,唔通因為有魚?沙律係海藻,但用咗柚子醋,都幾好食嘅.蜂蜜蘆薈茶(熱)我只飲到好似柚子嘅味道,飲到最底至飲到好甜,原因係蜂蜜蘆薈沉晒喺底,侍應完全冇放茶匙落嚟俾我攪勻嚟飲.菠蘿特飲睇見平平無奇,唔明點解要$18.00一杯,見到底下有金黃色嘅漿,係咩嚟?老公飲咗,話係菠蘿味嘅糖漿.咁怪雞.味道: 3.4分環境:都幾舒適嘅.衛生:枱凳好乾淨,但啲杯好似有問題,兩杯茶同我嘅蜂蜜蘆薈茶
我哋睇完menu後,
決定要$48.00嘅海景丼,要$18.00嘅菠蘿特飲,$42.00嘅四式刺身拼盤,用$10.00追加3片北寄貝刺身,同$16.00嘅蜂蜜蘆薈茶(熱).四式刺身拼盤
牡丹蝦,帶子各1隻;三文魚,北寄貝各3件.
牡丹蝦鮮甜同有粘嘅感覺;其他都正常不過.但wasabi豉油都幾鹹.北寄貝刺身唔使再講喇.
海景丼
三文魚3件,靈魚,北寄貝同熟蝦各3件,帶子1隻,蟹柳2件,再加一堆蟹籽.
刺身質素同樣係一般正常,冇驚喜.飯就好食,因為醋嘅份量落得啱啱好,但原來飯都唔多.
麵豉湯味道有啲奇,唔通因為有魚?沙律係海藻,但用咗柚子醋,都幾好食嘅.
蜂蜜蘆薈茶(熱)
我只飲到好似柚子嘅味道,飲到最底至飲到好甜,原因係蜂蜜蘆薈沉晒喺底,侍應完全冇放茶匙落嚟俾我攪勻嚟飲.
菠蘿特飲
睇見平平無奇,唔明點解要$18.00一杯,見到底下有金黃色嘅漿,係咩嚟?老公飲咗,話係菠蘿味嘅糖漿.咁怪雞.
味道: 3.4分環境:
都幾舒適嘅.
衛生:
枱凳好乾淨,但啲杯好似有問題,兩杯茶同我嘅蜂蜜蘆薈茶(熱),都有層唔知咩嘢浮喺面,不過好彩佢又冇味.
價錢 / 服務:我冇為意要丼係可以以半價選配飲品,否則我會將$18.00嘅菠蘿特飲同16.00嘅蜂蜜蘆薈茶(熱)分別填到跟餐同單購嗰欄,
咁我哋就慳$1.00.其實都唔係$1.00事,而係佢哋醒唔醒目?類似情況,我哋試過喺屯門一間茶餐廳,落單嘅會自動波計最平嘅俾我哋(嗰個食評係19年4月6日刊登嘅呢篇: https://www.openrice.com/zh/hongkong/review/%E8%A8%88%E5%88%B0%E6%9C%80%E5%B9%B3-e3358812).呢個動作其實係可以留客,可惜佢哋冇做到.抵食係2.5分
佢哋嘅嘢 食唔係好突出,重要咁嘅服務,唔知捱唔捱得住.
Post
