Video
Read full review
2023-03-14
1017 views
首先要讚下呢度既服務態度啦，職員好有耐性咁解釋餐牌既食物同當日既午餐配套，全程亦都保持適當既距離但係又當我地有需要時又即刻幫到我地，服務態度好令人滿意。言歸正傳，我地覺得set啲食物唔啱口味所以就另外點幾道小菜試試。首先我地試左鮮蟹肉燜伊麵，伊麵既軟硬度適中唔會太軟所以就算長時間浸係蟹羹都唔會太軟，蟹肉既份量都算偏多而且都好新鮮。整體呢份伊麵都算唔錯，10分滿分起碼都有7分。之後我地點左份蜜汁極上豚肉叉燒，叉燒偏瘦所以口感略為遜色，可能純碎個人偏愛半肥瘦叉。不過醃製用既汁整得唔錯，令到叉燒既風味提高，鹹味甜味都適中。不過10分最高6分。接落黎既係叉燒腸粉，叉燒應該用左前一位餸同一款叉燒，但係腸粉既話瘦叉就更加適合，腸粉既皮厚度都偏薄，個人覺得口感不錯，易入口得黎又有嚼勁，叉燒汁既香味又好出。10分滿分值得7分。最後一味主菜就係脆皮貴妃雞，呢味餸係一隻唔會太大既雞啲皮整得好脆但係肉質又好鮮嫩多汁，啲皮真係好鬆脆，以為皮整得脆幹但係肉質竟然咁多汁。整道餸好似好普通但係係呢餐最好味既餸，10分滿分我個人會俾10分係必點既餸。一定要試！最後我地叫做一份生磨蛋白杏仁茶同埋一份雪燕仙草渾子露，杏仁
首先要讚下呢度既服務態度啦，職員好有耐性咁解釋餐牌既食物同當日既午餐配套，全程亦都保持適當既距離但係又當我地有需要時又即刻幫到我地，服務態度好令人滿意。
言歸正傳，我地覺得set啲食物唔啱口味所以就另外點幾道小菜試試。首先我地試左鮮蟹肉燜伊麵，伊麵既軟硬度適中唔會太軟所以就算長時間浸係蟹羹都唔會太軟，蟹肉既份量都算偏多而且都好新鮮。整體呢份伊麵都算唔錯，10分滿分起碼都有7分。
之後我地點左份蜜汁極上豚肉叉燒，叉燒偏瘦所以口感略為遜色，可能純碎個人偏愛半肥瘦叉。不過醃製用既汁整得唔錯，令到叉燒既風味提高，鹹味甜味都適中。不過10分最高6分。
接落黎既係叉燒腸粉，叉燒應該用左前一位餸同一款叉燒，但係腸粉既話瘦叉就更加適合，腸粉既皮厚度都偏薄，個人覺得口感不錯，易入口得黎又有嚼勁，叉燒汁既香味又好出。10分滿分值得7分。
最後一味主菜就係脆皮貴妃雞，呢味餸係一隻唔會太大既雞啲皮整得好脆但係肉質又好鮮嫩多汁，啲皮真係好鬆脆，以為皮整得脆幹但係肉質竟然咁多汁。整道餸好似好普通但係係呢餐最好味既餸，10分滿分我個人會俾10分係必點既餸。一定要試！
最後我地叫做一份生磨蛋白杏仁茶同埋一份雪燕仙草渾子露，杏仁茶味道麻麻，有好香既杏仁味但係普普通通冇乜特別之處；至於雪燕仙草入口有比較重既開心果味道然後好清涼，非常適合消暑食用，不過味道都係一般，不過不失。
Post
