客家好棧 (Closed)

六月二十日, 今日只有四個人一齊去食市飯, 我提議咗好耐之前已經想去既《客家好棧》,雖然都行得幾遠, 要去到利舞台, (我哋喺銅鑼灣廣場果邊)不過見今日係近期難得既好天冇落雨, 都唔怕行過去啦!我哋除咗叫幾碟例牌點心外, 仲叫咗以下特式食物,有我指明要食既「雞絲粉皮」, 都幾好味, 唔錯!我都幾鍾意食既「XO醬蘿蔔糕」, 都幾野味。呢個係「鮻魚球生菜」, 雖然普通嘢, 都佢都算交足貨, 幾夠味。仲有叫咗碟「肉絲炆米」, 都係唔錯, 合格!總括嚟講, 呢度都算係一間唔錯既酒樓, 又有啲客家菜食吓, 冇咁悶丫嘛~同埋啲環境座位都算幾好, 有空閒時間嚟嘆吓茶都唔錯! 更詳細資料及圖片請看 : http://hk.myblog.yahoo.com/joycewai616/article?mid=8713