聚源粉麵茶餐廳 (Closed)

放工約咗朋友去打波，所以唔想食得太飽。於是入咗去間茶餐廳叫個粟米斑快兩份食。但係普通嘅一間茶餐廳，佢野食嘅水準就並唔普通。一入到去俾杯茶我飲，我覺得唔錯，清清地，有點清茶味，最緊要就係佢無人地茶餐廳嘅漂白水味！之後佢上咗杯奶茶，一飲入口，我都覺得唔錯，好滑，不過可惜，就係茶味過濃....但係整體黎講，都可以話係好飲嘅水平。之後，到咗個主菜，粟米斑塊，唔錯唔錯，斑塊好香好脆，個汁又好味，用黎餸飯一流呀！講到份量方面，個餸份量都好足，有成七八塊斑片可以分到，但係就係覺得佢個飯小D囉...如果個飯可以大D就好喇講到價錢方面，我就覺得有點兒唔抵喇，一個普通嘅餸都收我$43...我就覺得有點兒貴囉。好彩係兩份嘅姐....總括黎講，味道okay啦，值得一試。