金記冰室 (Closed)

係一個星期四嘅朝早，我選擇左去呢間金記食早餐。雖然以前食過西營盤嘅另外一間金記，我亦覺得一是無妨因為其實堅尼地城冇咩好多間好好食嘅茶餐廳。呢間環境都算闊落，佢嘅前身就係全港大嘅人所共知嘅新興食架。呢間金記大約可以坐30人。樓面招呼周到，都唔算太污糟。唔記得咗影餐牌不過其實選擇都同普通茶餐廳大同小異，我就食咗深海魚柳同埋叫咗熱鴛鴦。我都幾滿意佢塊魚柳，好明顯係即叫即炸，份量都唔細，炸得好脆口。跟餐麵包係多士，冇乜特別。西煎雙蛋都不過不失。杯鴛鴦唔錯，夠濃同夠balanced,又夠熱。會再食。