鐵牛台灣牛肉麵 (金巴利道) (Closed)

間嘢十一點半一開，我就衝入去。環境都唔差，乾乾淨淨。有啲餐廳一開門就入去嘅話會有陣臭味，但係佢無，所以即刻印象唔差。嘢食嘅選擇都幾多幾吸引，樣樣都想食，諗咗一輪終於諗到。主菜叫咗一模一樣，奮起湖燒雞腿排肉燥乾拌麵超級好食。個雞皮好好好好脆，咬落去，sok一聲，啲肉好腍、好嫩。個汁都好特別，再加埋嗰少少蔥花就fresh。我最中意飲冬瓜茶，喺好熱既情況下，飲啲又甜又冰涼嘅野好爽。朋友就飲咖啡，佢話係好味嘅咖啡味🤡平均每人八十幾蚊，行開肚餓我都覺得可以再去。