Brotzeit German Bier Bar & Restaurant (海之戀商場)

Open Now

Now Closed

一直都想食呢間，因為每次經過都會鈎起我當年去留學嘅感覺。近海邊，有室內，有室外，好適合約朋友黎飲酒吹水。去到原本以為要等位， 點知好好彩即刻有位。由於佢間舖係開放式叫左沙樂美腸薄餅同肉腸拼盤。pizza 賣相好吸引，而且好香芝士味，每一塊都有肉腸，同朋友開心share都唔怕分唔匀。岩岩上枱仲可以拉絲，少少嘅辣椒，令芝士味同香腸嘅咸味更加突出。芝士唔平均嘅分佈顯出係手製薄餅。美中不足嘅係有啲overcook, 邊緣好硬。肉腸拼盤擺盤幾好睇，8種唔同嘅香腸可以一次過試晒。配合3唔同嘅醬料，四種唔同風味任君選擇，唔慢慢仔細品嘗，真係會唔記得自己食過咩。係啲酸菜麻麻。黎得食德國野，當然要啤啤佢，其實應該要飲德國黑啤，不過小弟之前飲過，唔太接受到所以飲番啲普通野就算。今次坐indoor,少左outdoor 吹海風嘅韻味，下次有機會再試試，不過令我驚訝係，10點last order,明明係飲酒吹水嘅好地方。不過可能因為疫情所以改左營業時間，希望下次可以正常番。