臨記車仔麵 (Closed)

食車仔麵我都會揀呢間， 佢有好多唔同嘅分店， 今日去黃大仙試下佢其中一間， 全部餸菜都非常入味！我最欣賞蠔油小花菇，回味豬大腸， 招牌腩肉，秘制牛孖根同埋瑞士花香雞翼尖，唔同嘅餸菜都好受街坊歡迎。雞翼尖好易咬開，蘿蔔又好淋，唐生菜份量夠多，招牌腩肉肥瘦均勻， 紋理清晰分明。有張紙可以自己剔自己揀野食，我就揀左呢度嘅精選配搭化骨龍， 再加上佢嘅特選配菜，粉麵可以自由選擇，有米線，米粉，粗麵，河粉，油麵，另外烏冬要加$3.我就試左佢個烏冬同清湯底，加埋咖哩湯真係好濃好正，一流，仲有佢的特色辣醬，全部自家製，真係必食！野飲方面呢度仲有原味豆漿同埋黑芝麻豆漿， 建議大家可以試下黑芝麻豆漿， 都好滑，飲完都皮膚同頭髮都好好。