Video
Read full review
2013-09-26
508 views
好朋友們為我慶祝生日（共４男２女），我無乜意見，於是就帶咗我去呢度（１ST TIME） 唔好睇佢附近裝修、又響街市入面就以為冇人去呀！我哋去到，都見有幾枱客食緊～大家興致勃勃咁諗食咩，我自己就除咗蝦餅之外都冇乜特別要求，所以由食開嘅大家發板～一人一兩個意見，叫到成枱都係美食，食到個個停唔到口 XD生菜包係其中一樣朋友話要必點嘅菜式！我自己只係食咗一份，真係好好食，呢料炒得好香、好惹味！不過對我而言就辣咗啲，而且香料多（我個人唔係太食香料、芫茜等重味嘢）所以留番俾佢哋ＫＯ～泰式小食拼盤：裡面有蝦餅、豬頸肉、串燒、魚餅、春卷，而頭三樣係必叫小食，抵！１. 蝦餅：除左最基本，要好有蝦味同彈牙之外，炸嘅時間亦係非常重要嘅！而呢度個蝦餅真係炸得啱啱好，而且係即炸熱辣辣，外脆內軟、爽滑彈牙，攪到我忍唔住食咗兩舊 XD２. 豬頸肉：亦係會被極速ＫＯ嘅菜式，下面會再提及３. 串燒：由於極速被ＫＯ，所以無機會試，下次要再去食先得！炒通菜：我好鍾意食通菜（鍾意食綠色嘅菜，且唔食白色嘅菜），呢碟炒通菜就當然係我叫嘅啦～雖然無乜驚喜，不過都好味半隻雞：我唔知係咩雞，不過燒得好香。雞雖然唔肥，但非常香滑，唔會乾
好朋友們為我慶祝生日（共４男２女），我無乜意見，於是就帶咗我去呢度（１ST TIME）唔好睇佢附近裝修、又響街市入面就以為冇人去呀！我哋去到，都見有幾枱客食緊～
大家興致勃勃咁諗食咩，我自己就除咗蝦餅之外都冇乜特別要求，所以由食開嘅大家發板～
一人一兩個意見，叫到成枱都係美食，食到個個停唔到口 XD
生菜包係其中一樣朋友話要必點嘅菜式！我自己只係食咗一份，真係好好食，呢料炒得好香、好惹味！
不過對我而言就辣咗啲，而且香料多（我個人唔係太食香料、芫茜等重味嘢）所以留番俾佢哋ＫＯ～
泰式小食拼盤：裡面有蝦餅、豬頸肉、串燒、魚餅、春卷，而頭三樣係必叫小食，抵！１. 蝦餅：除左最基本，要好有蝦味同彈牙之外，炸嘅時間亦係非常重要嘅！而呢度個蝦餅真係炸得啱啱好，而且係即炸熱辣辣，外脆內軟、爽滑彈牙，攪到我忍唔住食咗兩舊 XD
２. 豬頸肉：亦係會被極速ＫＯ嘅菜式，下面會再提及
３. 串燒：由於極速被ＫＯ，所以無機會試，下次要再去食先得！
炒通菜：我好鍾意食通菜（鍾意食綠色嘅菜，且唔食白色嘅菜），呢碟炒通菜就當然係我叫嘅啦～雖然無乜驚喜，不過都好味
半隻雞：我唔知係咩雞，不過燒得好香。雞雖然唔肥，但非常香滑，唔會乾爭爭咁。隻雞唔算大隻，幾個男士係咁夾，半隻都唔係咁夠食？
至於生蝦，由於我係一次食，又唔食得辣，所以除咗幾新鮮之外，就俾唔到其他感想
咖哩軟殼蟹：第一次見人用咖哩煮軟殼蟹，但意外地幾好食！即使大家就我所以叫咗小辣，不過都非常深得人心，係咁叫蒜茸包同烤餅「送咖哩汁」！佢啲咖哩好似落咗蛋花咁嘅嘢？正唔正宗我就唔知，不過就好香滑，而且味濃卻唔會膩香芒炒飯：菜牌入面無嘅，朋友（熟客吧？）一坐低就話要叫。Woo～ Yummy～除咗香甜芒果肉同雜豆之外仲加咗唔少海鮮，個飯炒得夠乾身，就咁食或者加咖哩汁都咁好味～
蒜茸包：又一推介！本以為「蒜茸包？周圍都食到啦？」點知一到就立即被掃清，之後佢哋唔夠喉再叫我先有機會試到，嘩～好香好脆但唔會覺得油膩！勁喎！抵佢受歡迎～
烤餅：我自己係非常鍾意食烤餅，所以一知道會叫咖哩而又有得賣就舉手贊成！驚喜就無乜，不過一樣係鬆脆得泥唔油膩，諗起都想食！
燒烏頭：朋友推介，可惜今次可能燒得太耐，太乾太實肉（我好鍾意食魚，不過就比較喜歡滑身嘅）但係由於佢味道好，所以其實我都食咗好多～燒豬頸肉：極力推介！真係又大份、又好味！好香、好正！外面夠乾身唔肥膩，肉質彈牙爽口，夠哂入味！根本就唔洗點咩汁都已經好好食！必食！
椰青大菜糕：舗頭送嘅～雖然我唔鍾意食大菜糕，不過佢做到好清香，加上裡面有少少椰青肉，感覺食完好舒服，可以減低油膩感！（尤其椰青本身係好「涼」嘅嘢，所以食完咁多肥膩嘢之後，食幾舊當清熱都唔錯架！）
芒果椰汁糯米：特登點嘅～因為好鍾意食 XD 無乜特別，不過啲糯米煮得剛剛好，亦唔會太散或太黏，ＧＯＯＤ！
如果真係要搵呢間店嘅缺點，就要講講環境了
因為係開響街市嘅地下，無冷氣、無門窗，熱就梗架啦～亦有機會會食食吓見到有昆蟲走／飛過，但係眼見碗筷等等都處理得好乾淨，所以我自己就唔擔心什麼～
Post
