一焼肉

Open Now

Now Closed

一燒肉今次去食飯嘅位置響九龍灣MegaBox 2樓，上兩層電梯轉左手邊就會見到，覺得非常方便正常出入九龍灣嘅朋友。門口裝修設計吸引，裝修感覺舒適，燈光都好足夠，座位亦都好充足。同朋友約好中午一點鐘去食午飯，雖然已經見到坐得好滿，但係都只係等咗5分鐘就可以入座，比想像中快。今次同朋友分別點左兩個極上之選套餐。V2 包括有鹿兒島A4和牛肉眼寿喜焼，朝鮮風咪厚切五花腩，十味雞上脾肉(我揀咗配生菜，其實仲可以揀配日本玉子或黑松露肉子）V3 就有花見松板豚，博多雞頸肉，同埋日本黑豚肩咁啱見到佢午市追加單點有七五折，所以我哋另外再單點咗一份日本黑豚肩，同埋一份蟹味噌甲羅燒食物方面所有嘅肉類都好新鮮，個人比較鍾意佢嘅厚切五花腩，韓國嘅烤豬肉味道出晒嚟，連埋佢哋嘅配菜都好唔錯。因為可以自己調節燒烤嘅溫度嘅關係，所以燒出嚟嘅食物熱辣辣又啱啱好，重好多汁料可以揀，兩份餐加埋兩個單點已經足夠有多。另外都想講佢哋嘅工作人嘅服務態度非常有線認真，會提點我哋點樣食最好，同埋通風方面都好好，我同朋友食完飯出嚟身上面完全冇燒烤味。建議有時間都可以值得一試。