Video
Read full review
2017-03-24
714 views
講到甜品，幾時都話自己有個甜品胃，晚飯食到幾飽都好，硬係想食埋甜品先夠完整週四晚食完飯，當然係搵下附近有咩甜品食，喺深水埗、太子好幾間出名嘅都試過，我地就覺得普普通通。今次揀左呢間想試好耐嘅甜入心，喺網上見過太多佢地嘅「茶煲雪冰」（人地叫韓式飄雪冰…我自己咁叫），想試好耐！甜入心已經有三間分店，相信水準都應該有番咁上下。平日晚上客人都唔少，我地都喺附近兜左幾個字，再行番過黎先有位。店內裝潢簡單，客人較多，都會坐得有少少逼狹。近門口位有個自助區：提供英式果茶、朱古力噴泉，都係小心思。餐牌設計可愛，圖文並茂，暫停供應嘅甜品居然mark住「外遊中」、「旅行中」，見到不期然會心微笑。店仔細細，但甜品款式都相當多，有椰皇系列、窩夫、心太軟、吐司、布丁、水果冰、西米露、排毒水、中式糖水、飄雪冰、飲品，定價合理。焦糖布甸椰皇子 $36 (凍/暖)椰皇子有幾個款式，有鮮果、芒果、咖啡布甸等味道，我地當然係揀招牌嘅焦糖布丁口味。呢款椰皇子可選凍、暖（唔係熱），我地揀左暖。賣相可愛，原隻椰青上，內有凝結嘅椰汁、焦糖布甸、椰漿，看似好簡單，味道卻一啲都唔簡單。焦糖布蛋味香濃又夠滑溜，椰汁凝固成啫喱狀，帶清新
週四晚食完飯，當然係搵下附近有咩甜品食，喺深水埗、太子好幾間出名嘅都試過，我地就覺得普普通通。
今次揀左呢間想試好耐嘅甜入心，喺網上見過太多佢地嘅「茶煲雪冰」（人地叫韓式飄雪冰…我自己咁叫），想試好耐！
甜入心已經有三間分店，相信水準都應該有番咁上下。
平日晚上客人都唔少，我地都喺附近兜左幾個字，再行番過黎先有位。店內裝潢簡單，客人較多，都會坐得有少少逼狹。
近門口位有個自助區：提供英式果茶、朱古力噴泉，都係小心思。
餐牌設計可愛，圖文並茂，暫停供應嘅甜品居然mark住「外遊中」、「旅行中」，見到不期然會心微笑。店仔細細，但甜品款式都相當多，有椰皇系列、窩夫、心太軟、吐司、布丁、水果冰、西米露、排毒水、中式糖水、飄雪冰、飲品，定價合理。
焦糖布甸椰皇子 $36 (凍/暖)椰皇子有幾個款式，有鮮果、芒果、咖啡布甸等味道，我地當然係揀招牌嘅焦糖布丁口味。呢款椰皇子可選凍、暖（唔係熱），我地揀左暖。
賣相可愛，原隻椰青上，內有凝結嘅椰汁、焦糖布甸、椰漿，看似好簡單，味道卻一啲都唔簡單。
焦糖布甸椰皇子
$36
25 views
0 likes
0 comments
我地都忍唔住外賣左個俾朋友食，留意呀，如果外賣原隻椰皇子就可以要暖；但如果揀膠杯裝就只可以係凍呀。
焦糖布甸椰皇子
$36
34 views
0 likes
0 comments
雪糕有四款口味 (黑松露/焦糖布甸/香蕉/椰子) 可以揀，店員特別推介黑松露雪糕，好多熟客都會點呢款
雖然我地唔係特別喜好黑松露嘅味道，但因為平時比較少食到，唔試唔得啦。
做法同椰皇子相約，只係用雪糕取代焦糖布甸。
自家黑松露雪糕椰皇子
$45
14 views
0 likes
0 comments
但椰子味會稍稍被黑松露味道蓋過，如果想主力食椰子嘅清新，建議揀其他味道嘅雪糕。
自家黑松露雪糕椰皇子
$45
15 views
0 likes
0 comments
呢款飄雪冰有五款味道，分別有蜜瓜、芒果、oreo、巨峰提子、伯爵茶。
用茶煲仔盛載蜜瓜冰，雖然作用不大，但造型吸睛。
蜜瓜冰味道清淡，不過冰打得夠滑，唔會感覺粗糙。蜜瓜粒新鮮帶甜，加上藏於冰內嘅蜜瓜粉，都唔會愈食愈淡。
面頭嘅蒟蒻有助增添口感，不錯吃
蜜瓜飄雪冰
$55
17 views
0 likes
0 comments
值得一提係，全晚只有兩位店員，雖然忙到踢哂腳，但保持熱情有禮，係我去過最好招呼嘅糖水鋪！
甜品質素唔錯，加上店員服務好，難怪熟客咁多，我地都要加入一份子，儲下印花仔嚕！
餐牌：
Post
