La Resaca (Closed)

有朋友喺灣仔附近返工，佢想試吓呢間新開嘅西班牙餐廳，於是我哋夜晚就去咗食。首先，餐廳嘅位置旺中帶靜，都幾啱想遠離灣仔咁繁忙嘅地方，靜靜地飲嘢同傾偈嘅朋友。餐廳主打西班牙菜。由西班牙飲品（啤酒、紅白酒、sangaria）、tapas、主菜、甜品都有，種類非常繁多。我同朋友就揀咗杯西班牙檸檬味嘅啤酒、house wine 、炸西班牙黑毛豬仔骨、西班牙海炒飯，兩人+1總共七百幾蚊，價錢雖然唔算太平，但勝在環境唔錯，食物質素特別係個西班牙炒飯幾好食。