隨

Open Now

Now Closed

今日同屋企人慶生，揀咗間附近嘅西餐廳，好似話係新開，地方唔係好大，不過都算幾乾淨，店員都很友善。 叫咗三個主菜 upgrade加咗 $28做一個set dinner。會多咗個湯、餐包同埋甜品 ，所以都OK。首先嚟嘅係一個贈送嘅 意式香草豬肉丸，幾腍滑味道都可以。今晚嘅餐湯係煙肉薯仔湯，個湯都幾Creamy 有少少薯蓉嘅質感，都唔錯。羊架 ，晚餐有三件，唔係好蘇，質感都幾嫩滑。仲配埋個薯條。不過個薯條炸得唔脆一般般。叫咗一個Pizza加咗錢多咗 火腿喺上面。味道都OK嘅，就係一個西式嘅Pizza。仲有叫咗個大蝦意粉，味道都係正常OK 。可能我係早咗時間嚟，所以上菜都幾快。 跟住就係甜品 ，每人一粒Chocolate Brownie 仲要整得靚靚咁上枱， 算係花咗少少嘅心思， 起碼望落去幾靚 。 生日的話可以在旁邊寫Happy birthday 。 個朱古力幾濃郁都OK。整體算係性價比高嘅一間餐廳，味道OK 以呢個價錢嚟講。