18樓雞煲火鍋專門店

Open Now

Now Closed

見媽咪返夜，得返我同爸爸食飯，平日2個人嘅話多數都求其食/各自買外賣。今晚就想同爸爸出去食飯，陪下佢。揀咗個佢一定食得飽又岩食嘅--雞煲。爸爸對食都有要求架，佢話好食嘅嘢就一定好好食啦。我就重口味人士黎，好鍾意食辣，咁要就返爸爸就無叫到好辣，個晚叫左個小辣。黎到食咗幾舊，問爸爸好無食啊：佢讚好食。我都覺得好惹味，唔辣黎講 佢真係好夠味好好食，隻雞好滑。正啊！好快就食完加湯。試曬3款牛，個人覺得特選肥牛最好食，滑牛肉都好食，不過如果有事先調味醃製就會再加分啦。菜啊其他菜品款式都夠多選擇。仲有小食，飲品有冷泡茶係大愛。雪糕好好好好食，後悔太遲先食，真係好想食返2杯。但真係飽到爆炸啦。完滿嘅一晚，見爸爸都食得好開心❤️