砂煲兄弟 (東港城) (Closed)

今日同同事放lunch去咗公司附近嘅東港城覓食。近排食得太多西餐就想食d中菜。今次揀咗依間出各食煲仔類嘅餐廳。餐廳嘅裝修幾有特色，主打香港情懷，環境亦不錯，光線充足。小食方面，我地點咗個炸蝦雲吞。雖然放咗一陣，但個炸皮依然好鬆脆，而且個炸皮唔會好厚，點埋個泰式辣醬就更惹味。煲類方面，我地叫咗個推介嘅懷舊砂窩雲吞雞($88)。雞湯唔會太咸，有鮮味。份量都好足夠，有紹菜同少量洋蔥，雲吞大概六隻，雞大概係1/4隻，雞肉肉質結實，雞味冇因為浸過湯而變淡。牛類嘅煲都有幾款揀，我地就揀咗個紅酒牛尾，都係$88，再加$28配白飯同湯。個紅酒牛尾煲好夠熱，上嘅時候個汁仲熱到起氣泡，而且牛尾煲嘅紅酒味同蕃茄味都好濃。牛尾燜得好腍，煲嘅蔬菜好足料，有生菜、蕃茄、豆角等。最後點咗杯咖啡涼粉作結。