鳴門割烹料理 (Closed)

Naruto 鳴門割烹料理 🍣今次為大家介紹下Naruto🤣Semi-Buffet Lunch: $268汁燒油甘魚：雖然主食有好多丼飯選擇，但想要唔好咁快飽肚就梗係唔好食咁多飯，所以主食之一就揀咗燒魚，皮燒得脆脆地，啲燒汁好入味，如果食落覺得有啲鹹/漏，可以再點沙律醬🤣牛肉野菜鍋：食日式想儘量回本，就一定係食多啲刺身，少啲壽司，所以食得太多凍野就會想有啲暖嘅食物可以暖番個胃，抖陣再刷過。壽喜燒汁好甜，所以啲蔬菜都好入味，肥牛嘅份量都唔少，同埋肉質都好嫩😁刺身拼盤：刺身嗰選擇包括：三文魚，油甘魚，八爪魚，鯛魚同埋帆立貝～款款都厚切，口感都幾好。建議一開始每款嗌少少，睇啱自己鍾意嘅口味同埋當日新鮮嘅款，第二轉先再主攻鍾意嘅🥰小食&串燒：如果想食熟食嘅話都可以去試下佢地嘅小食同串燒～佢地嘅炸物都幾好食～好鍾意佢地嘅炸紫薯😆總括黎講，啲熟食比較好，魚生正常，但環境比起一般熟知嘅放題好好多，餐廳設計感更好。最後提提大家，雖然係放題，但都記得食幾多嗌幾多，咪做大嘥鬼啊😎。。。。。。。。。。。。。。。。。。。。。。。餐廳：Naruto 鳴門割烹料理 Overall (Out of 5): 🔆🔆🔆🔆