小草十八怪石鍋米線 (Closed)

旺角食飯實在有太多選擇，同父母唔知食乜嘢時就試左呢間，見佢寫三大主打菜式：石鍋米線、串燒和籠仔荷葉飯，全部都唔貴，飲品仲要超級大杯，岩長輩。石鍋米線可以自己煮，也可讓員工代勞，我見員工們都好有耐性。不過咁好玩就梗係自己試下煮啦。選了湯底，再選九款配料和米線，放入燒熱至300度的石鍋中，加蓋一分鐘，便煮出大大煲，熱辣辣又香噴噴既米線。肉骨茶湯底好香濃，不經火煮出來的肉類好嫩滑。比一般米線更好味。我們只叫了一鍋，因要留肚吃串燒和炸物。叫了九款串燒都不用二百元，只是串燒店的一半價錢。最重要是燒得好靚，不燶不柴。特別推薦孜然羊肉串（$16）和原條茄子（$25）。另外點了兩款蝦膠炸物，分別是釀豆卜（$25）和腐皮卷（$26），都非常好食又不多油，送啤酒一流。荷葉飯要下次才試了。