家上海 (東港城)

Open Now

Now Closed

坑口東海城最近開左間新既上海野，係之前匯豐銀行既位，試業期間勁多人排隊，我地一早去左拎籌等食。脆煎灌湯小籠包 ＄５４小籠包枝唔算太厚，夾起上黎唔易穿。鐵板既餘溫令小籠包煎得脆脆，幾香口。淮揚五福拼盤 ＄２４８呢個前菜拼盤有醉雞，肴蹄，紅蜇頭，燻魚同烤麩，當中醉雞同肴蹄係最吸引。醉雞既酒味好香令人想一食再食，而肴蹄就好清爽，作為前菜一流。海派回鍋肉  ＄９２回鍋肉既火候好夠，不過調味有d濃，如果配飯會更加爽。酥炸椒鹽一口臭豆腐 ＄６８臭豆腐呢d一見到就想食，一上枱就臭到不得了，好爽。而食落都真係幾脆，唔錯。豆沙鍋餅 ＄５２之前都諗緊叫唔叫呢個，驚佢紅豆太甜，不過食完之後紅豆都唔算好甜，外層香脆，都可以試下。