新森林焗之專門店 (Moved) New Location

第一次寫食評，因為最近有啲唔開心既事，想一個人靜下，但一個人食飯都想食啲好野，迷迷糊糊就走左入去新森林，個門口一個人好似好易入呀嘛哈哈，叫左個牛扒芝士焗飯，仲有小食可以加，$28蚊有2個小食同甜品，諗住食左個飯先再諗加唔加，點知食左個飯已經好飽，因為個焗飯真係好大份，塊牛扒煮得岩岩好7成熟，易切易咬，仲好多芝士，食到好飽呀，小食下次再加啦！呢間野環境都唔錯，坐左好耐都無趕人走，多謝佢地比左一個思考時間我！