甜牙牙 (Closed)

同友人係尖咀食飽飯後，行陣街街再戰甜品 ……Dazzling Cafe一早派哂籌，咖啡弄又要排長龍，呢個時候既選擇就只有甜牙牙了……貪其唔使等好耐就有位，呢間cafe細細間，格局雅致舒適，唯一唔好處係要搭枱同坐得迫d , 我地叫左兩個甜品，唔可以慢慢嘆，因為枱細又搭枱，我地唔敢怠慢，費時阻住其他食客喇！呢方面，真係希望呢間cafe有所改善！雜果窩夫 : 窩夫勁香脆，加上雲呢拿雪糕而食，毫不遜色於近期熱賣既雪糕蜜糖磚塊呢！生果粒粒鮮甜可囗。朱古力心太軟 : 朱古力蛋糕唔太甜亦唔會膩囗，蛋糕再鬆軟一點，熱朱古力流心多返d就更perfect嘞！兩款甜品都算唔錯，最緊要係唔使排長龍就嘆到喇！