花月庭 (Closed)

見午餐自助餐幾抵食，試一試佢。老實講食物既種類唔算多，但勝在大部分食物都有一定既水準。而環境都幾乾淨企理，坐得幾舒服，但攞野食既空間就有少少擠逼。食物普遍都好新鮮，尤其係生蠔，生蠔係即開咁供應，有分法國同美國兩種，每次每人只限取兩隻，生蠔尺寸比較細，但鮮味十足，食到既每隻都好飽滿，有淡淡海水味同金屬味，可惜每次排生蠔都好多人，每次都要等大約5-10分鐘先拎到一轉。除咗熟食，甜品款式都幾多，每樣都各有特色又好味，啱晒鍾意食甜品嘅人，一次過可以試好多唔同嘅款。整體而言，午餐自助餐既食物夠新鮮，甜品種類豐富，環境唔錯。