Video
Read full review
2017-06-22
347 views
同三個朋友到呢間餐廳聚餐，一入去，地方都幾四正，我地諗緊食咩既時候，估計係老闆既人走埋黎同我地推介豬手、Ribs、燒春雞等等主食，最後我地淨係就叫左個泰式雞翼、芝士薯格、豬手同黑松露意大利飯，野飲我就叫左個蝴蝶茶雪糕梳打。因為每人加左$30關係，我地有個鴨胸肉沙拉、湯同牛角包！沙拉唔錯，好新鮮，細細碟好開胃！是日餐湯係粟米湯，唔係開鑵頭，都好creamy好好飲。需要一讚既係個牛角包真係好好食！外脆內軟，又好香牛油味！小食上場，雞翼都幾好食既，不過唔係太大驚喜。個芝士薯格賣相一流，不過痴埋一舊舊，大家分既時候唔係太方便，食落冇想像中咁好食，唔夠脆，但又有d乾，芝士味可以再濃d。上豬手時，老闆非常細心地問左我地駛唔駛影相先，然後幫我地切開，呢間餐廳既老闆同員工都好熱情，好nice. 咁講返個豬手啦，可能我本身就麻麻地德國豬手，我覺得塊皮可以再脆d, 入面肉可以再淋d，總之呢個主食就冇咩特別。黑松露意大利飯，一來到就聞到好香既松露味，食落都幾香濃，仲有好多菇菇，令到個口感好豐富，同時又唔會太「流」，食完再想食，不過上面得2粒帶子就好似少左d。最後講下個蝴蝶茶雪糕梳打啦，杯野賣相好靚，好值得打
因為每人加左$30關係，我地有個鴨胸肉沙拉、湯同牛角包！
沙拉唔錯，好新鮮，細細碟好開胃！是日餐湯係粟米湯，唔係開鑵頭，都好creamy好好飲。
需要一讚既係個牛角包真係好好食！外脆內軟，又好香牛油味！小食上場，雞翼都幾好食既，不過唔係太大驚喜。
個芝士薯格賣相一流，不過痴埋一舊舊，大家分既時候唔係太方便，食落冇想像中咁好食，唔夠脆，但又有d乾，芝士味可以再濃d。
上豬手時，老闆非常細心地問左我地駛唔駛影相先，然後幫我地切開，呢間餐廳既老闆同員工都好熱情，好nice. 咁講返個豬手啦，可能我本身就麻麻地德國豬手，我覺得塊皮可以再脆d, 入面肉可以再淋d，總之呢個主食就冇咩特別。
黑松露意大利飯，一來到就聞到好香既松露味，食落都幾香濃，仲有好多菇菇，令到個口感好豐富，同時又唔會太「流」，食完再想食，不過上面得2粒帶子就好似少左d。
最後講下個蝴蝶茶雪糕梳打啦，杯野賣相好靚，好值得打卡，不過味道就一般，淡淡地，蝴蝶茶同梳打唔太夾，唔係難飲，但都係熱飲加蜜糖好味d！
總括而言，我個人就覺得唔係重點既湯同牛角包係最好食！小食同主食唔係唔好食，但未至於食過番尋味，有進步空間。
環境來說，都幾舒服既，可能今日閒日個場唔full, 好方便我地大聲講大聲笑，係一個唔錯既朋友聚會地點。
Post
