花月庭 (Closed)

慶祝自己又老一歲，黎左花月庭食自助餐。可能我地早左食，入座時間好快。環境幾大同整潔，食物種類都幾多。某啲食物仲會有員工即場幫客人處理，例如芝士龍蝦、鵝肝多士、鮑魚等等，不過晚餐時段一開頭會比較多人排隊所以要等吓。首先想讚下送嘅鮑魚，口感彈牙、醬汁濃郁，唔怪得要限每人送一隻。芝士龍蝦、鵝肝多士都十分受歡迎。龍蝦嘅醬汁好香，同埋已切一半，好易起到啲肉出黎食。鵝肝多士非常香口，配上多士一流。同場加映拎左嘅青口、印度薄餅、鰻魚、薯仔同蒸蛋。鰻魚都好香；而蒸水蛋都好滑，唔係淡茂茂嘅水蛋。因為幾好食所以encore左次。另外食左烤牛肉同豬手。烤牛肉有唔同醬汁，神奇係佢無論份量定係味道，我覺得都比排隊拎嘅A5和牛好味。豬手都唔錯，特別係塊皮，不過影相個陣已經俾我食左。生食類食左生蠔同刺身。生蠔雖然細隻但唔重金屬味，輕口味嘅生蠔愛好者都可以食到。刺身非常新鮮，尤其係肥美嘅三文魚。試齊了中湯 蕃茄薯仔排骨湯 同埋 西湯 雜菌忌廉湯。中湯還不錯，西湯好好味，濃郁蘑菇味但又唔會好澀撻撻。甜品區居然有得自助勺芋圓，當然忍唔住試吓，芋圓食到有蕃薯味，幾驚喜。另外拎左幾款造型有趣嘅甜品，睇得出都幾有心思。仲食左好